ఆర్టికల్ నెం . 1 :

* నా మధుర క్షణాలు *

నాకు చిన్నప్పటి నుండి అమ్మ అంటే బాగా ఇష్టం . నాన్న గారు నాకు చిన్నతనం లోనే అంటే నాకు లోకం తెలియని పసి వయసులోనే కాలం చేశారు . కాబట్టి అమ్మ చాటు బిడ్డగానే పెరిగాను . అమ్మ నన్ను కంటికి రెప్పలా చూసుకుంటూ పెంచింది . పుట్టుకతోనే ప్రతి ఒక్కరికి అమ్మే  ఒక మధురమైన  సుపరిచయం . ఇప్పుడు నేను అమ్మకి అండగా ఉంటూ , చూసుకుంటున్నాను అది నా అదృష్టమే . అమ్మ తరవాత నాకు అమ్మలా నా జీవితంలోకి అడుగిడిన వ్యక్తి నా శ్రీమతి - తాను నాకు ఒక మంచి బహుమతి . నాకు చిన్న చిన్న పిల్లలు అంటే చాలా ఇష్టం పసి పిల్లలని దేవుళ్లుగా అనుకుంటారు చాలా మంది వాళ్లలో నేను కూడా ఒకడిని . మాకు పెళ్ళైన చాలా కాలానికి మేము ఆశగా , ప్రేమగా ఎదురుచూసిన రోజు రానే వచ్చింది . మా ఇంటి కి ఒక మహాలక్ష్మీ చిట్టి తల్లి రూపంలో వచ్చింది .అదేనండీ నాకు అమ్మాయి పుట్టింది . పుట్టకముందే అమ్మాయా (లేక ) అబ్బాయా అని తెలుసుకుంటారు చాలా మంది మేము కనీసం ఆ ప్రయత్నం కూడా చెయ్యలేదు .తను పుట్టగానే ఆ క్షణం లో ఎంత ఆనందం చెందానో ఆ ఆనంద క్షణాలను నేను ఎప్పటికీ మరచిపోలేను .ఒక్కసారిగా ఎగిరిగంతు  వేసి డాకర్ట్ దగ్గరికి వెళ్లి తల్లి -బిడ్డ క్షేమమా అని మాత్రమే అడిగి తెలుసుకున్నాను . నా శ్రీమతిని కౌగలించుకుని , నుదుటిని మీటుతూ నా కృతజ్ఞత తెలియచేసుకున్నాను . కాసేపు సమయం గడిచాక అక్కడ హాస్పిటల్ నర్స్ తీసుకు వచ్చి అమ్మాయి అని చూపించారు . ఇంకేముంది ఇక అందరికీ సమాచారం చేరవెయ్యటమే కదా నాకు ఒక రోజంతా ఉక్కిరి -బిక్కిరే నేను నాకు అమ్మాయి పుట్టింది నాకు అమ్మాయి పుట్టింది అని . నాకు ఇప్పటిదాకా మర్చిపోలేని మధుర క్షణాలు /జ్ఞాపకాలు ఏమైనా ఉన్నాయేమో కానీ నా బుల్లి బుజ్జి పాప ని చూసి ఇది మాత్రమే నాకు మధురమైన ఆనంద వీక్షణం లా నా డైరీలో పేజీలు అన్నీ ఒకే ఒక్క నా పాప రూపేనా మారిపోయాయి .నాకు నా శ్రీమతి నాకు వార్త చెప్పిన దగ్గర నుంచి నాకు అమ్మాయే రావాలి ,అమ్మాయే కావాలి అని నా మనసులో బలంగానే అనిపించింది అది ఆ దేవుడికి తెలిసినట్టుంది . అందుకే నా చిట్టి తల్లి రూపంలో నాకు కానుకనందించాడు . ఇంత సంతోష విషయంలో కూడా కొన్ని తట్టుకోలేని పదాలు నాకు దగ్గర బంధువుల నుంచి వినటం అదేనండి ఇంకేముంటాయి ఏంటి అమ్మాయా ! అమ్మాయి పుట్టిందా ! అబ్బాయి అనుకున్నాము ! అబ్బాయి అయితే బాగుండేది అంటూ కొన్ని వాక్కులు వినక తప్పలేదు . అలానే కొంతమంది దగ్గర వాళ్ళు మరియు దూరం వాళ్ళు మంచి వార్త చెప్పావు .మహాలక్ష్మిని ఇంటికి తెచ్చుకున్నావు అని అంటుంటే నా మనసు సంతోషంతో ఉప్పొంగిపోయింది . ఇప్పటికి తను ఈ భూమిపైకి వచ్చి ఒక వారం దాటింది అనుకుంటా . నేటికాలంలో అమ్మకు కోడలు కావాలి ,అత్తకు కూతురు కావాలి ,కాని ఒక కూతురు ఒక కూతురికి తల్లి కాకూడదు .ఒక కోడలు అమ్మాయికి జన్మ నివ్వకూడదు ఇలాంటివి చాలానే వింటూ ఉంటాం ,చూస్తూ ఉంటాం . నాకు అమ్మ అమ్మ తర్వాత భార్య తర్వాత నా కూతురు ఇదే నా ప్రపంచం . చిన్ని చిన్ని పాదాలు , చిట్టి చిట్టి చేతులు ,ముద్దొచ్చే మోము , ముట్టుకోవాలి అనిపించే నోరు మొత్తం కలిపి ఓ చిన్ని అరచెయ్యి అంత రూపం అలా చూస్తూనే ఉండిపోవాలనిపిస్తుంది ,తనకి ఏమీ కాకుండా బంగారం లా చూసుకోవాలనిపిస్తుంది . అన్నీ ముందస్తుగానే ఒక ప్రణాళిక నాలో మొదలయ్యిపోయింది . ఇంటికి ఎప్పుడు తీసుకురావాలి , పేరు ఎప్పుడు పెట్టాలి , బారసాల ఎప్పుడు చెయ్యాలి వచ్చే సంవత్సరం తన పుట్టిన రోజు వేడుకలు ఎలా చెయ్యాలి ? అంటూ ఒకటే ఒకటే ఆలోచన నా మనసుని తులిపేస్తుంది అనుకోండి . ఏదేమైనా గాని ఈ విశాల ప్రపంచంలోకి నా కూతురు బంగారు కాంతిలాగా అడుగు పెట్టింది . ఇది నా జీవితంలో నేను మరువబోని ,మరచిపోలేని ఒక మధురమైన అనుభూతుల కావ్యం . ఇంకా ముందు ముందు తన కోసం నేనేమి చేస్తానో , ఎన్ని  కావ్యాలు రాస్తానో నాలో నాకే ఒక జిజ్ఞ్ఞాస గా ఉంది . బంగారు తల్లికి బంగారు భవిష్యత్తు కలగాలని కోరుకుంటూ ఈ బంగారు క్షణాలని ఇలా బందించి రాసుకున్నా !

నా '' బంగారు తల్లి '' కోసం ఒక కవిత
చిన్ని చిన్ని పాదాల సిరి మా తల్లి
చిట్టి చిట్టి చేతుల సింగారి బుల్లి

మా కోసమొచ్చింది ఈ చిట్టి తల్లి
మా ముందు వెలసింది రంగుల వెల్లి

మా ఇంటికొస్తుంది మురిపాల లిల్లి
అప్పుడే మొదలయ్యింది లాలీ జో లాలీ

అపురూపంగా చూసుకోవాలి మళ్లీ మళ్లీ
ప్రేమనంతా తీసుకొచ్చింది ఈ పుడమి తల్లి

ఆనందం కురుస్తుంది ఆకాశపు జల్లై
తన్మయత్వ మొందుతుంది తనువు హరి విల్లై

గరిమెళ్ళ రాజేంద్ర ప్రసాదు
హైదరాబాద్
9705793187